шекарашылардың құқықтық жағынан қорғалуы

Шекара әскерлері мен Әуе шабуылына қарсы қорғаныс әскерлерінің, басқа да қарулы құрамалардың әскери қызметшілері Қазақстан Республикасының Мемлекеттік шекарасын күзету жөнінде өздеріне жүктелген міндеттерді орындау кезінде мемлекеттік өкімет өкілдері болып табылады. Олардың талаптарын азаматтар мен лауазымды адамдар орындауға міндетті. Әскери қызметшінің талаптарына бағынбау, оған тіл тигізу, қарсылық көрсету, әскери қызметшіге қоқан-лоққы жасау, оған күш қолдану немесе оның өміріне, денсаулығына, мүлкіне қол сұғу, сондай-ақ әскери қызметшінің өзіне жүктелген міндеттерді орындауына бөгет жасайтын басқа да әрекеттер заңда белгіленген жауапқа тартылды. Қазақстан Республикасының заңдарында әскери қызметші қызмет борышын атқаруына байланысты жасалған қылмысты қол сұғулардан әскери қызметшілердің отбасы мүшелерінің өмірін, денсаулығын, намысын, қадір-қасиетін және мүлкін құқықтық жағынан қорғау белгіленеді.